網紅的藏寶箱0629-0630 宇宙船 扭蛋劇場 爭氣
M: 我唔明點解你要做新聞工作者囉，就算係做你都唔好做港聞吖！
N: 我想做香港人嘅新聞。
N: 我相信傳媒係有佢嘅影響力，阿媽，有啲嘢就算我唔講香港人都有眼睇，以我嘅工作就係要將佢記錄落嚟，作為歷史嘅見證，新聞工作者係史記。
M: 有公司肯請你咩？依家啲新聞冇人睇㗎啦！
N: 你錯喇！我哋唔係要做任何一間公司，時代唔同咗啦，每個人揸住部手機都可以係記者！我要做我自己嘅新聞！
M: 有公司都有糧出吖！你做你自己嘅新聞，咁你喺邊度收人工啊！
N: 唔係咩都講錢㗎！阿媽！時代唔同啦！我哋而家年輕人要嘅嘢唔係要錢呀！
M: 其實你想要啲乜啫？
N: 我要嘅係民意！簡單啲講就係like同share！我做嘅嘢係有人睇㗎！你知唔知我尋日整嗰個《屯馬開通真的很興奮》新聞filter有幾多人用呀？呢啲就係我哋要做嘅香港新聞！
Search